Синот на Трамп објави дека комуницирал со Викиликс

Најстариот син на американскиот преседател Доналд Трамп, Доналд Трамп помладиот денеска објави серија приватни пораки што ги разменувал со Викиликс за време и по завршувањето на ланските претседателски избори во САД.

Објавувањето на дописите на Трамп помладиот уследи откако вчера весникот „Атлантик“ информира дека тој разменувал пораки со Викиликс и тоа во периодот кога сајтот објави дел од украдените електронски писма на демократската претседателска кандидатка Хилари Клинтон.

Во објавените дописи, Викиликс му се заблагодарува на Трамп помладиот за „позитивните коментари“ на неговиот татко за сајтот, но и бара од него да им ги достави даночните пријави на актуелниот американски претседател.

Во одговорите на Трамп помладиот до Викиликс, тој меѓу другото се согласува „да се распраша наоколу“ за политчките активности на конгресните комитети за кои пишувал сајтот.

Допишувањата почнале лани во септември и траеле до јули годинава.

Адвокатаот на Трамп помладиот, Алан Футерфас во меѓу време информира дека овие, како и други дописи им ги доставил на трите комитети на американскиот Конгрес кои водат истраги за руската вмешаност во ланските претседателски избори и за неговото учество во кампањата на татко му.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.