Вучиќ: Нема да дозволам како во некои соседни земји, странци да одлучуваат за нас

Српскиот претседател Александар Вучиќ изјави дека Србија како држава е мала и дека мора да одржува добро односи со големити сили, но дека не смее да потклекне пред сите барања и дека мора да укажува на двојните аршини.

Тој кажа дека атмосферата во која што се води политиката не е лесна, а доколку Србија потклекне пред барањата на странците, како во „некои од околните земји“, тоа нема да има смисла.

– Доколку други ни одлучуваат, како што имате примери во некои околни земји, кој да биде обвинител, а кој судија, кога тие ќе бидат независни од народот, но зависни од нив, тогаш тоа веќе нема никаква смисла. Ние треба да градиме независни институции, но тие да бидат независни и од западните земји – рече Вучиќ.

Тој кажа дека во сабота ќе се знае конечната одлука дали со изборите во Белград во Србија ќе се одржуваат и вонредни парламентарни избори.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.