Притвор за педофилот од Пробиштип кој силуваше 11-годишно девојче

25 дневен притвор за 25 годишниот педофил од Пробиштип за сторено кривично дело полов напад врз 11 годишно девојче од с. Пробиштип.

Случајот во полиција го пријавил пред 3 дена нејзиниот татко откако во мобилниот телефон на малолетната ќерка пронашол фотографија со компромитирачка содржина.

Во разговор со девојчето открил дека ја фотографирал 25 годишникот и со истата ја уценувал да излезе со него, зашто во спротивно ќе ја објавил на фејсбук.

– Вечерта помеѓу 14. и 15.10.2017 година излегле заедно, по што после 02.30 часот ја одвел кај него во станот и извршил обљуба над неа, а утрото и дозволил да си оди -изјави Гордана Панајотова, портпарол на СВР –Штип.

Во пробиштипската полиција е извршен разговор со девојчето во присуство на нејзиниот татко и со стручен тим од Центарот за социјални работи, а по наредба на дежурниот јавен обвинител, во Клиничка Болница Штип е извршен гинеколошки преглед над неа. Како материјален доказе од страна на Надворешната канцеларија за криминалистички работи е одземен лап-топ од станот на осомничениот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.