Општина Илинден денот 14.6.2013 година (петок) го прогласи за ден на жалост во општината поради смртта на митрополитот полошко-кумановски господин Кирил, чиишто посмртни останки ќе бидат закопани во манастирскиот комплекс „Свети Ѓорѓија“, кој се наоѓа на територија на општина Илинден во н.м. Дељадровци.
Митрополитот полошко-кумановски господин Кирил даде голема поддршка и значаен придонес за развој на општина Илинден.
Манастирот „Свети Ѓорѓија“ во н.м. Дељадровци во општина Илинден, кој ќе биде вечното почивалиште на митрополитот полошко-кумановски господин Кирил, е изграден во 1921 година, а во негов состав се наоѓаат следните цркви : „Св.Ѓорѓија“, „Св.Петка“, „Св.Недела“, „Св.Архангел“, „Михаил и Гаврил“,„Света Злата Мегленска“ и „Св.Мала Богородица“. Овој манастирски комплекс претставува црковна лавра единствена во Полошко-кумановската епархија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
