Новиот стадион на Атлетико Мадрид, „Ванда Метрополитано“ е избран да биде домаќин на финалето од Лигата на шампионите што ќе се игра на 1 јуни 2019 година. УЕФА ваквата одлука ја донесе по гласањето на 16 членови на нејзиниот Извршен комитет. Капацитетот на стадионот е со 67 703 места.
Во конкуренција за организација беше и стадионот во азербејџанскиот главен град Баку, но на овој стадион ќе се игра финалето во Лигата Европа, додека европскиот Супер куп ќе се одигра на стадионот на Бешикташ.
Мадрид по петти пат ќе биде домаќин на финалето на елитното европско фудбалско натпреварување, а претходните четири се одиграа на стадионот „Сантијаго Бернабе“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
