Претседателот Иванов им ја честита победата и пласманот на „вардарци“ во Лига Европа

Претседателот на Република Македонија, Ѓорге Иванов им ја честита победата и пласманот во Лигата на Европа на фудбалскиот клуб Вардар.

– Ви ја честитам победата, историскиот успех на екипата на ФК Вардар и пласманот во групната фаза од Лигата на Европа, што е најголемо постигнување за македонскиот клупски фудбал. Честитки до фудбалерите, целиот стручен штаб и до раководството на ФК Вардар. Вие со вашата мотивираност, дисциплина, желба и тимски дух покажавте дека може да се успее и да се совладаат најголемите предизвици. Вие сте позитивен пример за сегашните и идните генерации. После ракометарите и ракометарките на Вардар, повторно екипа која го носи ова славно име, ја обедини нацијата и спортската јавност. Сега слави цела Македонија. Напред Вардар – се вели во честитката.

Од Кабинетот на претседателот Иванов информираат дека македонскиот претседател синоќа во Охрид, заедно со учесниците на Школата за млади лидери, го проследил натпреварот меѓу ФК Вардар и Фенербахче.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.