Агенцијата за храна и ветеринарство одреди парична казна за скопјанецот Симо Х. кој со секира закла бездомно куче во Дебар Маало.
„Врз основа на пријавата што ‘Анима Мунди’ ја поднесе до Агенцијата за храна и ветеринарство против лицето Симо Х. за мачење и свирепо убиство на кучето Идриз – мирно бездомно куче кое монструмот со секира го закла среде бел ден – е констатирано најгрубо кршење на Законот за заштита и благосостојба на животните. Врз основ на востановеното дело на сторителот, од страна на Агенцијата за храна и ветерина му е изречена мерка за наплата на глоба од 800 евра и истата е исплатена“, соопшти Здружението за заштита на животни „Анима Мунди“.
Од таму информираат дека во тек е кривичната постапка против Симо Х.. Тој е осомничен за кривично дело мачење животни, предизвикување јавна опасност.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
