На преминот „Кулата“, кој е најголем на границата меѓу Бугарија и Грција, создадени се километарски колони од возила поради апсење на речиси цела смена бугарски цариници.
Бугарската полиција синоќа уапси 23 лица, меѓу кои најголем број се цариници, во рамки на корупциска истрага.
Портпаролката на Јавното обвинителство, Румена Арнаудова изјави дека организирана криминална група работи од март 2015 година, а освен цариници, во неа членуваат и претставници на транспортни компании, кои давале поткуп со цел нивните камиони да бидат пуштени преку граница без претходна контрола.
Таа нагласи дека полицијата извршила претрес во 83 домови на цариниците, каде биле пронајдени 32.000 евра.
Полицијата во изминатиот период извршила повеќе акции за апсење на цариници во рамки на корупциската истрага
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
