Две лица загинаа, а четворица се повредени при престрелка и напад со автомобил-бомба во турскиот округ Батман.
Двајца курдски борци отвориле оган врз возило на локален градоначалник, а потоа ја активирале автомобил-бомбата во близина на седиште на жандармеријата.
Гувернерот на Батман изјавил дека напаѓачите не успеале да го погодат автомобилот на градоначалникот на Козлук, туку сосема друго возило, при што е убиен еден учител, а друг патник бил полесно повреден.
Потоа напаѓачите го активирале експлозивот во украдениот автомобил на контролен пункт во близина на жандармериската база во градот Бакирхан. Во нападот повредени се двајца војници и еден цивил, а еден од напаѓачите е убиен.
Засега никој нема преземено одговорност за нападот
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
