Драган Тевдовски денеска го демантираше Зоран Заев со извештајот за буџетската каса, изјави Христијан Мицковски, член на Извршниот комитет на ВМРО-ДПМНЕ и генерален директор на ЕЛЕМ.
-Министерот денеска успеа да го демантира Зоран Заев кога кажа дека на денарската сметка имаме повеќе од 6 милиони евра, а на девизната мислам рече околу 160 милиини евра. Тоа значи дека буџетот е во одлична кондиција, онака како што кажа и претходниот министер за финансии кога го вршеше примопредавањето со актуелниот министер на овој ресор. Полнењето на буџетската каса е динамичен процес. Нормално е во дадени периоди од месецот да биде попразна и во дадени моменти да биде пополна. Во моментот кога се вршеше примопредавањето на функцијата министер за финансии, буџетската каса беше во извонредна позиција што потврди и самиот Тевдовски кога рече дека неколку дена потоа успеал да ги исплати сите плати, субвенции и пензии, што претставува една од основните задачи на една Влада, истакна Мицковски во интервју за ТВ НОВА.
Претходно денеска Драган Тевдовски изјави дека од Буџетот до крајот на годината ќе можат да се сервисираат сите обврски. Ќе има пари за плати, пензии, субвенции и средства за поддршка на економијата. Ребалансот веќе се подготвува во Министерството за финансии, а во него треба да се вградат и дел од проектите на новата Влада, меѓу кои за минималната плата. Тевдовски рече дека е исплатена сериозна сума земјоделски субвенции, стипендии, поврат на ДДВ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
