Томаш Бердих ја прекина соработката со Горан Иванишевиќ по серијата слаби резултати што чешкиот тенисер ги имаше на последните турнири. Тој во меѓувреме падна на 14. место на АТП-листата, а на Ролан Гарос беше елиминиран во второто коло од рускиот тенисер Карен Качанов со максимални 0-3 во сетови.
„Горан и јас повеќе нема да соработуваме. Уживав во заедничкото време и ќе останеме големи пријатели. Му посакувам се најдобро во иднина, а јас ќе се обидам да ги остварам своите цели со тимот што моментно го имам на располагање“ – напиша Бердих на својот твитер-профил.
Иванишевиќ, кој претходно го тренираше Марин Чилиќ, работеше со Бердих од 15 август минатата година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
