Решение за свикување на седница на собранието со предлог на дневен ред и материјали по прашања кои се предлагаат за дневниот ред за седницата, на пратениците им се доставуваат најмалку 10 работни дена пред денот определен за одржување на седницата изјави пратеникот од ВМРО-ДПМНЕ, Илија Димовски, од собраниската говорница. Тој реагира што не е оставен простор да се разгледаат предлозите на социјалдемократите и нивните коалициони партии пред да се гласа составот на идната влада.
– Во членот 111 од деловникот во глава избор на Влада во ставот 4 се вели дека седница за избор на Влада се одржува во рок од 15 дена од денот на приемот на Влада и програма и тоа е така од моментот кога сте го добиле материјалот па макар тој да е добиен во 1 часот и 22 минути наутро. Но во член 68 од деловникот каде што генерално се утврдуваат седниците за работа на Собранието на Република Македонија вели дека решение за свикување на седница на собранието со предлог на дневен ред и материјали по прашања кои се предлагаат за дневниот ред за седницата, на пратениците им се доставуваат најмалку 10 работни дена пред денот определен за одржување на седницата. Овој член и овој став и истите по кои постапувале повеќе претседатели на собранието на Република Македонија во минатотот и на овој начин е избран и Бранко Црвенковски за премиер во 2002-та година и сите останати премиер, потенцираше Димовски.
Тој истакна и дека ова е потребно и правено бидејќи на јавноста, медиумите и пратениците неопходно им е повеќе време за да ги разгледаат биографиите и да ја разгледаат програмата на Владата која што е предложена со цел да се запази транспарентност, демократичност, како и интересот на јавноста.
-Програмата е добиена во текот на вчерашниот ден во 1:22 часот и еве денеска дискутираме тоа што ниту еден граѓанин не е информиран дека новата влада планира зголемување на неколку даноци, а ги немаме видено ни сите биографии и планираат зголемување на придонесите. Ова е проблем во недостаток на јавност и време, ова е класично прекршување на деловникот слично на некое претходно и се надевам дека ова Собрание нема да продолжи вака да работи во иднина, вели Димовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
