Кошаркарите на Карпош Соколи очекувано се првите полуфиналисти во Купот на Македонија откако во првиот четвртфинален натпревар во Кавадарци славеа против Вардар со 92-84 (30-13,23-24,20-22,19-25).
„Вардарци“ се покажаа максимално цврст противник за „соколите“ до финишот одржувајќи ја неизвесноста во мечот кој беше одлучен по одличната прва четвртина на Карпош која ја доби со 17 поени разлика (30-13).
Во продолжението од мечот „црвено-црните“ воспоставија рамнотежа, па против варирачкиот состав на терен на противникот, постојано намалувајќи ја разликата. На една минута и 40 секунди пред крајот Вардар стигна и насам пет поени негатива (83-78). Но, веднаш во следниот напад Лабовиќ погоди три поени за 86-78, по што веќе дефинитивно се навести победникот. Во последните 60 секунди „вардарци“ стигнаа до конечни 92-84.
Најефикасен во победничкиот состав беше Трајковски со 20 поени, дополнети со пет скока и шест асистенции, додека Соколов заврши со 18 поени. Кендрик имаше 12 поени, 6 асистенции и четири скока.
Кај Вардар, Лефковски беше одличен со 22 поени и три скока, Адедеџи заврши со 17 поени и десет асистенции, додека Калов постигна 17 поени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
