Шампионот Кливленд кавалирс се соочи со неочекуван проблем откако беше утврдено дека Кевин Лав мора да биде опериран за да биде саниран проблемот со коленото што го мачеше олстар-кошаркарот.
Лав во последно време се почесто се жалеше на болка во левото колено, а откако останатите третмани не вродија со плод беше донесена одлука тој да замине на артроскопија.
Според првичните информации, паузата ќе изнесува најмалку шест седмици, а се очекува Лав да биде подготвен за камбек пред крајот на регуларниот дел од сезоната. Интерес за екс-кошаркарот на Минесота претходно искажаа Њујорк и Торонто, чии понуди беа одбиени од страна на актуелниот шампион, па останува да е види дали челниците на Кливленд можеби ќе го променат својот став, па Лав ќе стане достапен за размена пред крајот на преодниот рок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
