Мистерија стара 30 години: Девојчиња кои биле киднапирани во 1985 година, сега се пронајдени живи и здрави

Полицијата во американската сојузна држава Роуд Ајленд соопштила дека го решила случајот на киднапираните девојчиња Кели и Кимберли Јејтс, кој е стар повеќе од 30 години.

Жените, денес во своите 30-ти години, се пронајдени живи и здрави во околината на Хјустон, блиску до местото каде што живеела нивната мајка – за која се испоставило дека е киднаперката. Целото семејство со години живеело под лажни имиња, пишува CBS.
Кели (32) и Кимберли Јејтс (35) биле киднапирани во август 1985 година. Ги киднапирала сопствената мајка откако по судски пат го изгубила старателството. Без знаење на таткото ги зела децата и исчезнала…

Повеќе од 30 години подоцна, полицијата ја уапсила мајката Елејн Јејтс. Детективите рекле дека на 23 декември добиле анонимна дојава која ги одвела во Тексас. Таму ја пронашле 69-годишната жена која веднаш ја обвиниле за киднапирање.
Девојките не живееле со својата мајка, но не биле далеку. Пронајдени се во околината на Хјустон.
Во програмата на NBC се јавил и биолошкиот татко на девојките кој изразил желба за средба со одамна изгубените ќерки.
-Тие имаат татко кој ги сака и кој сака да ги види. Сакам да зборувам со нив, но на девојките е да одлучат што сакаат – рекол Расел Јејтс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.