Најзагаденото место на светот: Само еден час тука е доволно и најздравиот човек да умре

Карачајското езеро на Урал во Русија е едно од најзагадените, а можеби и најзагадено место на планетата.

Имено, во 1990. година тука била измерена радијација која е 100 пати поголема од количината на радијација на која еден американски работник според закон смее да биде изложен. Секако, потребно е помалку од еден час и здрав човек да умре озрачен со толку радијација.

Тука не станува збор за природен феномен, радијацијата и загадувањето се резултат на отпадните води од најголемата нуклеарна фабрика во Русија.

Фабриката до 1990. година од непознати причини била криена, малку луѓе знаеле за нејзиното постоење, а во тој контекст не се водело многу сметка за екологијата на езерото. Поради сето тоа, Карачајското езеро денес никој не го гледа како вистинско езеро. Полно е со концентрати со кои радијацијата се чува подалеку од брегот.

Нуклеарната фабрика во близина на езерото била изградена во тајност од 1945. до 1948. година, а му служела на Сталин во производството на атомски бомби. Езерото на фабриката ѝ било потребно поради студената вода за реакторите.

Речиси ништо не се вложувало во заштитата на работниците и околината, а водата загадена од радијацијата со време го претворила ова место во најзагадено на светот, барем според статистиката на Вашингтонскиот институт за надзор на нуклеарен отпад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.