Нестабилно време со дожд, грмежи и локално пообилни врнежи се очекуваат денеска и утре.
Како што соопшти УХМР, подрачјето на Македонија сѐ уште ќе биде под влијание на циклонска активност и влажна, нестабилна воздушна маса од Медитеранот.
Денес попладне времето ќе биде променливо облачно и нестабилно со повремен дожд и грмежи, особено во западните и јужните делови, каде што локално врнежите ќе бидат пообилни и ќе продолжат и во текот на ноќта. Во источните делови преку денот ќе има и подолги сончеви периоди. Ќе дува слаб до умерен северен ветер.
Во Скопската котлина ќе се задржи променливо облачно, во попладневните и вечерните часови со повремен дожд и грмежи, но со умерен интензитет.
И утре ќе биде променливо облачно со повремени врнежи, на места поројни и проследени со грмежи. Кон крајот на денот ќе настапи стабилизација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
