Познатиот американски актер, режисер и сценарист Гери Маршал, почина синоќа на 81-годишна возраст, како последица на компликации предизвикани од пневмонија, јавија американските медиуми.
Маршал, кој меѓу другото е творец и на романтичните филмови „Убава жена“, „Невстата бегалка“ и „Дневникот на принцезата“, многумина го сметаат за еден од основачите на американката телевизиска комедија.
Тој е роден на 13 ноември 1934 година, а по себе ги остави сопругата Барбара, со која беше во брак од 1963 година, како и син и две ќерки, кои, исто така, се актери и режисери.
Од него преку социјалните мрежи се простија многу актери со кои работел, меѓу кои и Софија Вергара, Џесика Алба и Зек Браф.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
