Десетици луѓе се убиени и ранети во напад на бунтовници врз болница во северниот град Алепо кој е под контрола на сириската Влада.
Инцидентот го потврди Сирискиот центар за човекови права. Цел на нападот била болницата Ад Дабит во квартот Мохафаза во центарот на Алепо.
Според либанската телевизија Ал Мајадин објектот е целосно урнат. Сириската армија соопшти дека бунтовниците презеле жестоки напади врз Алепо.
Во средата најмалку 27 луѓе загинаа во воздушни напади од сириската владина авијација врз болница во која помагаа од Лекари без граници во реонот на Алепо. Од 22 април досега вкупно 244 цивили загинале во Алепо, наведува Сирискиот центар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
