Taтко херој спаси тримесечно бебе од пијан возач, кој бегал од полицијата (ФОТО)

Утрово во Загреб за влакно е избегната трагедија откако возач со 1,87 промили алкохол во крвта, со своето „ауди“ излета од патот.

Возачот бегал од полициска патрола, која го бркала по загребските улици. Тој изгубил контрола над возилото и прво се забил во столбовите поставени на тротоарот, во семафорот, а на крај „аудито“ се упатило кон детската количка. Таткото на тримесечното бебе, во последен момент ја турнал количката кон пругите на трамвајот. Автомобилот ја избегнал, но количката се превртила, а бебето испаднало на улица.

Сепак, детето не било повредено, според очевидците, не ни заплакало, но превентивно е пренесено во болница.

Полициските службеници повеќе од час време го држеле возачот во локал веднаш до местото на несреќа, додека се вршел увидот.

Револтираните очевидци биле спремни и физички да се пресметаат со него.

Фото: Корпикс

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.