Македонскиот шампион ЖРК Вардар трета година по ред ќе учествува на завршниот турнир на четирите најдобри екипи во Европа.
По дветата порази во полуфиналињата во 2014 и 2015 година, „црвено–црниот“ состав доби посакуван противник против кого има позитивен биланс оваа сезона, романската екипа ЧСМ Букурешт.
Денешната ждрепка сакаше „вардарки“ да ги избегнат лутите ривали, Будуќност и Ѓер, кои ќе мора меѓу себе да се соочат во полуфиналето, а нашите девојки ќе имаат романски тест.
ЖРК Вардар во претходниот дел од сезоната во ЛШ двапати славеше против ЧСМ Букурешт, и во Македонија и во Романија, но овој тим со пласманот на Ф4, елиминирајќи го руски Ростов, потврди дека ќе биде незгоден противник бидејќи шеф на стручниот штаб е Расмунсен кој до пред една година и беше помошник на Индира Кастратовиќ.
Фајнлфор турнирот во Будимпешта се игра на 7. и 8. мај во „Ласло Пап“ арената. Вардар на 7. мај од 15:15 часот ќе игра со Романките, а втората полуфинална средба меѓу Ѓер и Будуќност ќе се игра од 17:45 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
