Операцијата на силите за безбедност во нападнатиот од исламистички борци хотел во главниот град на Буркина Фасо заврши, при што се спасени 126 лица, а тројца џихадисти се убиени, јавија локалните власти.
– Ослободени се 126 лица, вклучително и најмалку 33 повредени. Ликвидирани се тројца џихадисти, еден Арап и двајца Африканци -изјави министерот за безбедност Симон Компаоре.
Според Компаоре, операцијата во хотелот „Сплендид“ во Уагадугу и ресторанот „Капучино“ во негова близина е завршена, но силите за безбедност продолжуваат со акцијата.
Претставник на силите за безбедност соопшти дека во нападот на хотелот и ресторанот во Уагадугу се убиени 22 лица. Претходно медицински претставници јавија дека најмалку 20 лица се убиени, а 15 повредени во напад на исламисти.
– Немаме точна бројка на мртви, но има најмалку 20 лица – изјави директорот на болница во Уагадугу Роберт Сангаре.
Одговорност за нападот презеде групата „Ал Каеда“ од исламски Магреб.
Францускиот амбасадор во Буркина Фасо Жил Тибо, соопшти дека во главниот град е воведен полициски час, како и дека во амбасадата е формиран кризен штаб за своите граѓани во земјата, која е поранешна француска колонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
