Рецепт за зимска Сангрија

Наместо портокали и лимони, за да направите зимска Сангрија користете ги плодовите на студеното време – крушки, јаболка, калинки…

Состојки:

• 2 шишиња црвено вино со овошна арома
• 2 мали јаболка, исечкани на коцки
• 2 круши, исто така исечкани на коцки
• 1 исчистена калинка
• 1-сантиметар свеж корен од ѓумбир, ситно изрендан
• 1 лажичка цимет
• ½ шолја бренди или вотка (по желба)

Подготовка:

Ако користите вотка или бренди, јаболката потопете ги неколку часа во алкохолот.

Ставете ги парчињата јаболка, круши, калинките и изренданиот ѓумбир во еден длабок сад или голем бокал, па преку нив додадете го циметот.

Додадете го виното во садот, лесно промешајте и оставете ја Сангријата да отстои 2-3 часа пред послужување.

Во чашите задолжително ставете стапчиња цимет и неколку парчиња од овошјето. Додадете лимон по желба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.