Нови дрвца во Паркот со авион во Аеродром (фото)

Градоначалникот на град Скопје, Коце Трајановски, градоначалникот на општина Aеродром, Ивица Коневски и директорот на ЈП„Паркови и зеленило“, Душан Авировиќ, денеска, учествуваа во садењето 100 листопадни дрвја во Паркот со авион, во рамките на есенската акција за садење 5.000 дрвја на територијата на градот.

– Денеска го продолжуваме есенското садење дрвја во општина Аеродром, во Паркот со авион, како дел од акцијата на Градот Скопје во која ќе бидат засадени 5.000 садници во дрворедите на булеварите, во парковите и во блоковското зеленило на општините. Екипи на Градот ќе засадат 100 садници од видот платан, кои се од сопствено производство на ЈП„Паркови и зеленило“ и со тоа ќе биде комплетно уреден овој парк, а во текот на наредните денови ќе садиме дрвја на други локации во општината. Се надеваме дека до крајот на годинава ќе успееме да ги засадите сите 5.000 садници, а во 2016 година планираме да засадиме уште 5.000 садници, односно 2.500 во пролетното и 2.500 во есенското садење. Градот Скопје во континуитет ги одржува јавните површини, подига нови зелени површини и уредуваме нови катчиња за одмор и рекреација во природа, со што ги подобруваме условите за живот на граѓаните на Скопје- истакна градоначлникот Трајановски.

Градоначалникот на Општина Аеродром, Ивица Коневски, го изрази своето задоволство од одличната соработка со Градот Скопје и нагласи дека како плод на таа соработка во текот на 2015 година се засадени 1.600 садници на територијата на општина Аеродром.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.