Компаниите од регионот можат да ја тужат Хрватска поради затворањето на Бајаково

Претседателот на Стопанската комора на Србија, Марко Чадеж побара вчера од словенечките компании да испратат јасен сигнал до Загреб и да им укажат на властите во Хрватска дека состојбата на граничниот премин Бајаково никому не му е од корист и предупреди дека компаниите од регионот можат да ја тужат хрватската Влада поради претрпените штети.

Чадеж најави можност компаниите од регионот да поднесат колективна тужба против хрватската Влада поради претрпената штета.

– Моменталната ситуација на границата никому не му е од корист, ниту на Србија, ниту на Хрватска, Словенија, Австрија, Грција, на никого…Нема логично објаснување зошто тоа се прави, рече Чадеж.

Во Стопанската комора на Србија е формиран посебен тим и кол центар, на кој можат да се обратат компаниите, кои претрпеле штета.

Чадеж најави за в четврток разговори со претставници на стопанските комори на Германија, Австрија и ЕУ, со цел да се обидат дополнително да извршат притисок протокот на стока непречено да се одвива.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.