СмартХало за паметни велосипеди

Апликациите на вашиот паметен телефон кои, додека возите велосипед, ги следат изминатите километри, брзината изминатото време, не се ништо ново, но апаратчето СмартХало овој спорт и рекреација ќе ги измени засекогаш. Со еден збор, со оваа иновација вашиот велосипед ќе стане- Паметен.

СмартХало е уред кој на едноставен начин, со боја и светло сигнализира каде треба да завртите и по кој пат најбрзо ќе стигнете до вашата цел. Се поставува на воланот на велосипедот, а преку блутут се поврзува со мобилниот телефон. Истовремено, ќе ви сигнализира ако некој ве бара на телефон, навечер го осветлува патот, а служи и како аларм против крадците на велосипеди.
Производителите тврдат дека батеријата може да трае и до три недели. Се очекува во продажба да се најде во мај 2016 година по цена од 149 американски долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.