„Чувари на Македонија“ остануваат пред Собранието (фото)

По завршувањето на денешниот голем народен собир за силна Македонија кој го организира ВМРО-ДПМНЕ, а го поддржaa поголем број на невладини организации, здруженија, јавни личности и групи, поголема група на граѓани во текот на целата вечер и веројатно и во следните денови остануваат пред Собрание. Тие се Чуварите на демократијата и на изборната волја.

-Припадници сме на невладините организации кои даваат поддршка на овој народен собир, вели еден од организаторите.

Тој додава дека покрај тоа што ќе останат да ја бранат демократијата во текот на оваа вечер, веројатно е да продолжат со своето присуство пред највисокиот дом на граѓаните и во следните денови.

-Собранието е симбол на државноста на Македонија, ќе останеме колку што е потребно, се додека не се отфрли во целост ова загрозување на државните и национални интереси кое го прави опозицијата и Сорос, кои сакаат да се дограбат до власт без избори и на штета на народот а во корист на туѓи интереси. Мора да разберат дека народот е самосвесен и слободољубив и нема да дозволи црни сценарија какви што тие посакуваат, вели еден од граѓаните кои остануваат пред Собрание.

Според информациите на организаторот се планира целовремено присуство на најмалку 500-600 лица, за што ќе се постават и шатори и друга опрема и реквизити.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.