Еден од членовите на терористичката група за кого вчера беше објавено дека бил убиен во судирот со македонските специјалци имал различни статуси на фејсбук и интересни слики со него има и на твитер.
Фадиљ Фејзулаху за кого косовските медиуми тврдат дека е ранет но жив на својот фејсбук профил објавувал вести за Албанци жртви на УДБА, за состојбите во Косово , за косовскиот Имам Ѓилани кој по втората светска војна бил лидер на муслиманите во Македонија, вести за критики на македонската влада но и вести поврзани со „бомбите“ на Заев.
Меѓу другите вести за „бомбите“ на СДСМ Фејзулаху шерувал вест за најавените информации дека Заев ќе објави вести поврзани со случаите Бродец, убиството на Харун Алиу и Случајот Монструм.
Фејзулаху редовно објавувал и вести поврзани со активности на УЧК на Косово и за дискриминација на Албанци од страна на ВМРО – ДПМНЕ и ДУИ.
Фејзулаху нема профил на Твитер но негова слика со екс амбасадорот на САД во Скопје Пол Волерс снимена минатата година може да се најде вчера и денеска на оваа социјална мрежа. Сликата ја објавуваат негови приврзаници кои што најверојатно сакаат да покажат дека тој бил близок со американски дипломати.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
