Утре, последниот слободен ден од велигденскиот викенд, ќе продолжи топлото време. Сончевите периоди нема да изостанат, но повторно попладне локално ќе има развој на облачност со услови за сосема локални и краткотрајни врнежи, пишува Метеопро. Поголема веројатност за развој на нестабилост има во делови од источниот и југозападниот регион.
Минималната температура нема да падне под нулата, туку ќе има вредност околу 4°С во поголем дел од котлините низ земјава. На повисоките места најниската температура ќе биде околу 1°С. Повторно највисока дневна температура се очекува долж повардарието, во границите од 20°С до 23°С. Низ останатите краишта низ земјава максималната ќе биде околу 18°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
