Ципрас стравува дека Грција може да остане без пари во крајот на март

Грчкиот премиер Алексис Ципрас стравува дека Грција ќе остане без пари до крајот на март, објави Франкфуртер Алгемајне цајтунг.

– Грците треба да бидат подготвени дека платите и пензиите може да не бидат целосно исплатени во крајот на март, наведува весникот.

Лидерот на радикалната Сириза кој е на власт од пред два месеца во Грција, изразил стравувања пред претседателот на ЕП, Мартин Шулц за време на средбата во Брисел.

– Ципрас има итна потреба од пари. Затоа треба да ја убеди еврогрупата и ЕЦБ за волјата дека ќе преземе реформи и тоа уште од следната недела, навел Шулц за весникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.