Двајцата приведени од „Пуч“ изведени пред судија (видео)

Педесет и две годишниот Ѓ.Л. од Скопје и 49-годишниот З.К. од Велес се двајцата новоосомничени во случајот „Пуч“ кои се идентификувани како соработници со веќе пријавените во истоимената полициска обработка.

-Двајцата биле ангажирани и работеле во корист на странска служба, превземајќи активности и чекори за кои биле богато финаниски наградени. Од првично направените проверки имотот на двајцата е несразмерно зголемен, односно анализите кои досега се направени покажуваат дека станува збор за стотици илјади евра во готовина но и во акции кои завршиле кај нив. Лицата се сомничат за кривични дела шпионажа и насислтво према претставници на највисоките државни органи, истакна помошник министерот за односни со јавност, Иво Котевски.

Во претресите во нивни домови и други локации се пронајдени голем број на материјали, запленети се 5 лаптоп компјутери, три куќишта од компјутер, 19 мобилни телефони од кои 6 со сим картички, 100 CD и DVD, 110 видео и аудио касети, 14 флопи дискови, 17 хард дискови, како и 9 штедни книшки кои дополнително ќе бидат предмет на вештачење.

Двајцата осомничени по поднесената кривична пријава за шпионажа и насилство спрема претставници на највисоките државни органи се изведени пред судија на претходна постапка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.