Нема застој за Гигс, ветеранот го продолжи договорот со Манчестер јунајтед

Нема застој за Рајан Гигс. Ветеранот и голем ас на светскиот фудбал го продолжи договорот со Манчестер јунајтед за уште една година. Тоа на Велшанецот му доаѓа како награда од раководството на Манчестер јунајтед за одличните игри што ги прикажа сезонава.

Наспроти сите прогнози дека 39-годишниот офанзивец ќе се пензионира летово, сепак тој смета дека може да игра уште една година на највисоко ниво. Без многу размислување ја прифати понудата за продолжување на соработката, со клубот за кој настапува веќе 22 сезони.

– Се чувствувам добро, уживам играјќи фудбал. Што е најважно, верувам дека придонесувам за добри резултати на тимот. Горд сум што повторно атакуваме на неколку трофеи и тоа ме привлече да играм уште една сезона. Му благодарам на сер Алекс Фергусон за довербата што ја има во мене – изјави Гигс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.